Խաղաղութեան 49-րդ քայլարշաւ Իտալիոյ Պոլոնիա քաղաքին մէջ

(Ռատիօ Վատիկան)  Չորեքշաբթի, 28 դեկտմեմբրին,  Իտալական Քարիթասի մամլոյ գրասենեակը հրապարակեց հաղորդագրութիւն մը որուն մէջ նշեց  թէ  շաբաթ, 31 դեկտեմբերին, Իտալիոյ Պոլոնիա քաղաքին մէջ տեղի կ՝ունենայ խաղաղութեան 49-րդ քայլարշաւը,  նախաձեռնութեամբ Իտալական եպիսկոպոսաց համահաւաք դասի, ընկերային եւ աշխատանքի հարցերու  ազգային  գրասենեակի , Իտալական Փաքս Քրիսթի, Քարիթասի եւ Ացիոնէ Քաթոլիքա եկեղեցական շարժումին եւ կազմակերպութեամբ Պոլոնիա  թեմին։

Յիշեալ խաղաղութեան 49-րդ քայլարշաւի  խորագիրն է Ֆրանչիսկոս Սրբազան Քահանայապետին անցեալ 12 դեկտեմբերին լոյս տեսած խաղաղութեան 50-րդ օրուայ առթիւ պատգամին տիտղոսը , ''Բռնութեան վերացումը` Խաղաղութեան քաղաքականութեան ոճ''։  Խաղաղութեան համաշխարհային օրը կը նշուի 1  յունուար  2017-ին ։