Святы Айцец скіраваў віншаванні з надыходзячым Божым Нараджэннем у прамым эфіры
італьянскага тэлебачання “RAI”. 22 снежня 2016 г. Пантыфік патэлефанаваў у студыю
папулярнай ранішняй праграмы “Unomattina”, якая сёлета адзначае 30-годдзе. Ён падзякаваў
яе стваральнікам, а затым звярнуўся да тэлегледачоў.
“Жадаю вам хрысціянскага Божага Нараджэння, якім было першае, калі Бог пажадаў перамяніць
каштоўнасці свету: стаў малым у стаенцы, разам з малымі, беднымі, адчужанымі... “Маласць”:
у гэтым свеце, дзе шмат пакланяюцца богу грошай, няхай Божае Нараджэнне дапаможа нам
глядзець на “маласць” Бога, які перамяніў каштоўнасці гэтага веку. Жадаю вам святога
і шчаслівага Божага Нараджэння. Абдымаю ўсіх”, - сказаў Святы Айцец.
All the contents on this site are copyrighted ©. |