(Ռատիօ Վատիկան) Երեքշաբթի, 20 դեկտեմբերին, Ֆրանչիսկոս Սրբազան Քահանայապետ, Վատիկանի թանգարաններու նոր տնօրէն անուանեց, թանգարանի փոխ տնօրէն՝ Տոքթ Պարպարա Եաթթա։ Անուանումը ի զօրու է 1 յունուար 2017-էն։
Տոքթ Եաթթա ծնած է 6 հոկտեմբեր 1962-ին։ Ան մասնագիտացած է գրականութեան եւ արուեստի պատմութեան մէջ ։Յաճախած է Վատիկանի դիւանագիտութեան դպրոց, ուր ստացած է դիւանագիտութեան վկայական։
Տոքթ Եաթթա , 1994-էն, դասաւանդած է Նափոլիի համալսարանի մէջ որպէս արուեստի պատմութեան դասատու։ 1996-ին , նշանակուած է Վատիկանի առաքելական գրադարանի մամլոյ գրասնենակի պատասախանատու ։ 2016-ի՝ յունիսին Վատիկանի առաքելական պալատէն կանչուած է Վատիկանի թանգարաններու տնօրէնութիւն, ուր ստանձնած է թանգարաններու փոխ տնօրէնութեան պաշտօնը։
All the contents on this site are copyrighted ©. |