Թոմ Հենքս «Հայաստանի մանուկներ» հիմնադրամի բարեգործական երեկոյին մասնակցելու կոչ կ՝ուղղէ
«Հայաստանի մանուկներ» հիմնադրամը (COAF) իր դիմատետրի էջին հրապարակած է դերասան Թոմ Հենքսի մասնակցութեամբ տեսաուղերձը, որուն միջոցով՝ տաղանդաշատ դերասանը իր աջակցութիւնը կը յայտնէ հիմնադրամի Դեկտեմբեր 9-ին Նիւ Եորքի մէջ կայանալիք կալա երեկոյին:
Դերասանը բոլորին կոչ կ՝ուղղէ մասնակցելու կարեւոր նշանակութիւն ունեցող նշեալ ձեռնարկին` ափսոսալով, որ չի կրնար անձամբ ներկայ գտնուիլ բարեգործական հաւաքին:
«Ասիկա հրաշալի առիթ է ձեր հայկական արմատներուն վերադառնալու համար, իսկ եթէ հայ չէք, ուղղակի գացէք կալա երեկոյին ու վայելեցէք զայն: Աստուած բոլորիս պահապան»,- ըսած է ամերիկացի դերասանը:
Յիշեցնենք, որ «Հայաստանի մանուկներ» հիմնադրամին նպատակն է ապահով պայմաններ ստեղծել Հայաստանի հեռաւոր գիւղերու երեխաներու աճին ու զարգացման համար:
| All the contents on this site are copyrighted ©. |