2016-11-28 10:23:00

Ոչ եւս է Յիսուսեաններուն նախկին ընդհանուր մեծաւոր՝ Հայր Փիթեր Հանս Քոլվընպախը։


(Ռատիօ Վատիկան) 26 նոյեմբերին, շաբաթ-կիրակի լուսցնող գիշերը, 88 տարեկանին, Պէյրութի մէջ իր մահկանացուն կնքեց Յիսուսեան միաբանութեան երբեմնի ընդհանուր մեծաւոր՝ Հայր Փիթեր Հանս Քոլվընպախ։

Հանգուցեալը ծնած էր Հոլանտա ՝1928-ին, քահանայ ձեռնադրուած է Լիբանանին մէջ 1961-ին։ Եղած է միջին արեւլքի մէջ Յիսուսեան միաբանութեան ընդհանուր ներկայացուցիչ ։ Ապա 1893-ին, ընտրուած է Յիսուսեան միաբանութեան ընդհանուր մեծաւոր եւ պաշտօնավարած է մինչեւ 2008, երբ՝ իր հրաժարականը ներկայացուցած է Պենետիկտոս Վաստակաւոր քահանայապետին։

Արժանի է յիշել, Հանգուցեալ  Հայր Քոլենպախը եղած է մեծ հայասէր ու հայերու բարեկամ նա մանաւանդ` երջանկայիշատակ Յովհաննէս Պետրոս Գասպարեան ԺԸ Կաթողիկոս Պատրիարքին հետ։ Այս վերջինս   Անոր   շնորհած էր նաեւ ՝՝գերյարգելիի՝՝  տիտղոսը։  Հայր Քոլվընպախ երջանակայիշատակ Գասպարեան Պատրիարքը կը նկատէր որպէս իր Պատրիարքը։  








All the contents on this site are copyrighted ©.