''Վերստեղծել խաղաղութիւնը'' Փարիզի Ունեսքոյի կեդրոնատեղիին մէջ հաւաք։

(Ռատիօ Վատիկան) Երեքշաբթի 15 նոյեմբեր 2016-ին, Փարիզի Ունեսքոյի կեդրոնատեղիին մէջ Ֆոքոլարի շարժումը համագործակցութեամբ Ունեսքոյի ընդհանուր տնօրէնութեան եւ Սուրբ Աթոռի Ունեսքոյի մօտ մնայուն դէտին, կազմակերպած է ''վերստեղծել խաղաղութիւնը'' վերտառութեամբ հանդիպում մը, Ֆոքոլարի շարժումի հիմնադիր Քիարա Լուպիխի շնորհուած ''խաղաղութեան դաստիարակութեան ի սպաս'' մրցանակի 20 ամեակին առթիւ։

Հանդիպումը կազմակերպուած է նաեւ 2015-ի` 13 նոյեմբերին Փարիզի ահաբեկչական արարքի առաջին տարեդարձին առթիւ, նպատակակէտ ունենալով ձայն տալ բոլորին, որպէսզի միասնաբար կառուցուի խաղաղութիւնն ու եղբայրութիւնը։

Հանդիպումին ելոյթ կ՛ունենան ի մէջ այլոց գերապայծառ Ֆրանչեսքօ ֆոլլօ`  Ունեսքոյի մօտ Սուրբ Աթոռի մնայուն դէտը, Մարիա Վոչէ եւ Եզուս Մորան` Ֆոքոլարի շարժումի նախագահն ու փոխ նախագահը։