Մխիթարեան իրականացուց ապրիլեան պատերազմին զոհուած փոխգնդապետ Գրիգորեանի որդիին երազանքը:
Հայաստանի հաւաքականի աւագ Հենրիխ Մխիթարեան իրականացուցած է Արցախեան քառօրեայ պատերազմին հերոսաբար զոհուած փոխգնդապետ Օնիկ Գրիգորեանի որդիին` Յովիկի երազանքը:
«Նուիրենք նրանց հեքիաթ» խորագիրը կրող ծրագիրի ծիրէն ներս կ’իրականացուին արցախեան պատերազմի հերոսներու երեխաներու երազանքները: Յովիկի երազանքը Հենրիխ Մխիթարեանին տեսնելն էր: «Գանձասար-Կապան» ֆութպոլային ակումբի ղեկավարութեան շնորհիւ այն իրականութիւն դարձաւ:
Յովիկը իր ընտանիքին հետ միասին կրցաւ ներկայ գտնուիլ Հայաստան – Չեռնոկորիա հանդիպման: Խաղէն ետք երեխան հանդիպեցաւ իր ֆութպոլային կուռքին հետ, ստացաւ անոր ինքնագիրը եւ լուսանկարուեցաւ Մխիթարեանին հետ, կը գրէ armsport.am-ը:
| All the contents on this site are copyrighted ©. |