Հայաստանի ազգային հաւաքականի եւ «Մանչեսթըր եունայթըտ»-ի կիսապաշտպան Հենրիխ Մխիթարեան պիտի նշանակուի Հահաստանի մէջ ԵՈՒՆԻՍԵՖ-ի բարի կամքի ազգային դեսպան:
Ինչպէս «Արմենպրես»-ին տեղեկացուցած է ԵՈՒՆԻՍԵՖ-ի հայաստանեան գրասենեակի Հաղորդակցման ծրագրի ղեկավար Զառա Սարգսեան, արարողութիւնը տեղի պիտի ունենայ Նոյեմբեր 9-ին ՀՖՖ Տեխնիկական կեդրոնի` Ֆութպոլի ակադեմիայի նիստերու դահլիճին մէջ:
Կէս դարէ աւելի է, երբ ԵՈՒՆԻՍԵՖ-ի բարի կամքի դեսպանները աշխարհի մէջ ամէնուրեք կ՛օգնեն երեխաներուն եւ կանանց՝ պաշտպանելու իրենց իրաւունքներն ու բարելաւելու կեանքը:
Երեխաներուն վերաբերող հարցերու մասին իրազեկելով եւ օգնելով միջոցներ հաւաքագրել` ԵՈՒՆԻՍԵՖ-ի հետ աշխատող հանրաճանաչ մարդիկ յստակ ուղերձ կը յղեն առ այն, որ երեխաները առաջնահերթութիւն են:
All the contents on this site are copyrighted ©. |