''Բնապահպանութիւն, գաղթականներ եւ փախստականներ'' Ժողովրդային շարժումներու հանիպումը։

(Ռատիօ Վատիկան) Հռոմի Քահանայապետական ՝՝Մարիա Մաթեր Էքլեզիէ՝՝ անուան միջազգային վարժարանին մէջ, 2-էն 5 նոյեմբեր 2016-ին տեղի կ՛ունենայ համաշխարհային ժողովրդային շարժումներու ''խնամք բնութեան, գաղթականներ եւ փախստականներ'' խորագիրով 3- համաշխարհային հանդիպումը որուն երրորդ օրուայ աշխատանքները կը շարունակուին Վատկիկանի Պօղոս Զ դահլիճին մէջ, որոնց աւարտին` Շաբաթ 5 նոյեմբեր 2016-ին, նախատեսուած է նաեւ Ֆրանչիսկոս Սրբազան Քահանայապետին հետ հանդիպում։

Վերոնշեալ հաւաքին  իրենց մասնակցութիւնը կը բերեն աշխարհի ժողովրդային շարժումներու աւելի քան 200 պատուիրակներ, ժամանած աշխարհի զանազան վայրերէն, որոնց շարքին նշենք 2 նոյեմբերին` Թմրամոլութեան դէմ պայքարող Հայր Լուիճի Չոթթին, 3 նոյեմբերին Հնդիկ քաղաքական ու հասրակական գործիչ Տիկին Վանտանա Շիվան, եւ 4 նոյեմբերին Ուրուկուայի նախկին նախագահ`Տիար Փեփէ Մույիքա։

Յայտնենք թէ վերոնշեալ հաւաքի նախորդ նիստերը կայացած են,  2014 թուականին ՝ Հռոմի մէջ, իսկ՝ 2015-ին Պոլիվիայի Սանթա Քրուզ Տէ Լա Սիերրա Քաղաքին մէջ։