2016-10-29 13:44:00

അഭയാര്‍ത്ഥികളെ സ്വീകരിക്കുന്നതില്‍ ഐക്യദാര്‍ഢ്യം കാട്ടുക


അഭയാര്‍ത്ഥികളെ സ്വീകരിക്കുന്നതില്‍ സമൂര്‍ത്ത ഐക്യദാര്‍ഢ്യം കാണിക്കാന്‍ നീതിസമാധാനകാര്യങ്ങള്‍ക്കായുള്ള പൊന്തിഫിക്കല്‍ സമിതിയുടെ സെക്രട്ടറി ഡെലഗേറ്റ്  ആര്‍ച്ച്ബിഷപ്പ് സില്‍വാനൊ തൊമാസി യുറോപ്പിനെ ആഹ്വാനം ചെയ്യുന്നു.

ജനകീയ പ്രസ്ഥാനങ്ങളുടെ മൂന്നാം ലോകസമ്മേളനത്തെ അധികരിച്ച് പരിശുദ്ധസിംഹാസനത്തിന്‍റെ വാര്‍ത്താകാര്യലയത്തില്‍ വെള്ളിയാഴ്ച(28/10/16) നടന്ന പത്രസമ്മേളനത്തിലാണ് അദ്ദേഹം ഈ ആഹ്വാനമേകിയത്.

കുടിയേറ്റക്കാരുടെയും അഭയാര്‍ത്ഥികളുടെയും ഭാരം ഗ്രീസ് ഇറ്റലി തുടങ്ങിയ ചിലനാടുകളുടെ മാത്രം ചുമലില്‍ കെട്ടിവയ്ക്കാതിരിക്കാന്‍ യൂറോപ്യന്‍ സമിതി ശ്രമിക്കേണ്ടതിന്‍റെ ആവശ്യകത ആര്‍ച്ച്ബിഷപ്പ് സില്‍വാനൊ തൊമാസി.

നവമ്പര്‍ 2 മുതല്‍ 5 വരെ റോമിലും വത്തിക്കാനിലുമായിട്ടാണ് ജനകീയ പ്രസ്ഥാനങ്ങളുടെ മൂന്നാം ലോകസമ്മേളനം നടക്കുക.   








All the contents on this site are copyrighted ©.