Վաւերացուեցաւ Անթոնիօ Կութիերեսի ՄԱԿ-ի ընդհանուր քարտուղարի նշանակումը:
ՄԱԿ-ի Ընդհանուր ժողովը երէկ վաւերացուց Փորթուգալի նախկին վարչապետ Անթոնիօ Կութիերեսի ՄԱԿ-ի ընդհանուր քարտուղարի պաշտօնին նշանակումը:
Ան իր պաշտօնը կը ստանձնէ դեկտեմբերին:
ՄԱԿ-ի ներկայ ընդհանուր քարտուղար Պան Քի Մուն մեկնաբանելով քուէարկութեան արդիւնքը յայտնեց. «Կութիերես միջազգային կազմակերպութեան աշխատանքին մէջ բաւարար փորձառութիւն ունի»:
Ան նախապէս ողջունած էր Կութիերեսի թեկնածութեան որդեգրումը` նշելով. «Իբրեւ Փորթուգալի վարչապետ անոր փորձառութիւնը, միջազգային հարցերու լայն ծանօթութիւնը եւ մեծ հեռատեսութիւնը պիտի օգնեն դժուար ժամանակաշրջանի մը մէջ ՄԱԿ-ը ղեկավարելուն»:
«Կութիերեսը լաւ կը ճանչնամ եւ անոր ընտրութիւնը հոյակապ քայլ մը կը նկատեմ», աւելցուցած էր Քի Մուն:
| All the contents on this site are copyrighted ©. |