Գրականութեան Նոպելեան մրցանակը շնորհուեցաւ Պոպ Տիլընի

Շուէտի ակադեմիայի մնայուն քարտուղար Սարա Տանիուս յայտարարած է, որ գրականութեան 2016-ի Նոպելեան մրցանակը շնորհուած է 75 տարեկան ամերիկացի երաժիշտ, յօրինող եւ կատարող Պապ Տիլընի:

Ըստ անոր, Տիլըն պարգեւին արժանացած է «ամերիկեան երգի մեծ աւանդութեան մէջ բանաստեղծական կերպարներու ստեղծման» համար:

Տիլըն ծնած է 24 մայիս 1941-ին, Միացեալ Նահանգներու Մինըսոթա նահանգի Տուլութ քաղաքին մէջ: Երաժշտական գործունէութենէն բացի, ան նաեւ յայտնի է իբրեւ նկարիչ եւ դերասան:

2008-ին Տիլըն ստացած է ականաւոր «Փուլիցըր» մրցանակը: Ան նաեւ արժանացած է Պատուոյ լեգէոնի շքանշանի եւ Միացեալ Նահանգներու բարձրագոյն քաղաքացիական պարգեւներէն` Ազատութեան նախագահական մետալին