Papa: lutem për armëpushim në Siri, ku fëmijët jetojnë nën bomba: konflikt çnjerëzor

“Dëshiroj të nënvizoj e të ripohoj afërsinë me të gjitha viktimat e konfliktit çnjerëzor në Siri”. Janë fjalët e Papës, në përfundim të audiencës së sotme të përgjithshme, mbajtur në Sheshin e Shën Pjetrit. E përsëris thirrjen time me urgjencë – vijon Françesku - duke i lutur me gjithë forcën time  përgjegjësit të marrin masa për armëpushimin e menjëhershëm, që të  imponohet e të respektohet së paku për kohën  e nevojshme  të evakuimit  të civilëve, posaçërisht të fëmijëve, të zënë ende në kurth, nën breshërinë e përgjakshme të bombave.