സീറോമലബാര്‍ പ്രസ്റ്റണ്‍ രൂപതയുടെ ഉദ്ഘാടനവും മെത്രാഭിഷേകവും
ബ്രിട്ടനില്‍ സീറോമലബാര്‍ സഭയ്ക്ക് ലഭിച്ചിരിക്കുന്ന പ്രസ്റ്റണ്‍ ആസ്ഥാനായുള്ള രൂപതയുടെ ഉദ്ഘാടനവും പ്രസ്തുത രൂപതയുടെ പ്രഥമ സാരഥിയായി നിയമിതനായിരിക്കുന്ന മാര്‍ ജോസഫ് സ്രാമ്പിക്കലിന്‍റെ മെത്രാഭിഷേകവും ഈ ഞായറാഴ്ച.(09/10/16)
ഞായറാഴ്ച ഉച്ചയ്ക്ക് ആരംഭിക്കുന്ന തിരുക്കര്‍മ്മങ്ങളില്‍ സീറോമലബാര്‍ മേജര്‍ ആര്‍ക്കിഎപ്പിസ്ക്കോപ്പല്‍ സഭയുടെ മേജര്‍ ആര്‍ച്ചുബിഷപ്പ് കര്‍ദ്ദിനാള്‍ മാര്‍ ജോര്‍ജ് ആലഞ്ചേരി മുഖ്യകാര്‍മ്മികനായിരിക്കും. പ്രസ്റ്റണ്‍ ഉള്‍ക്കൊള്ളുന്ന ലങ്കാസ്റ്റര്‍ രൂപതയുടെ മെത്രാന്‍ മൈക്കിള്‍ ജി കാംബെല്ലും പാലാരൂപത മെത്രാന്‍ മാര്‍ ജോസഫ് കല്ലറങ്ങാട്ടും സഹകാര്‍മ്മികരായിരിക്കും.പ്രസ്റ്റണിലെ നോര്‍ത്ത് എന്‍ഡ് ഫുഡ്ബോള്‍ സ്റ്റേഡിയമാണ് തിരുക്കര്‍മ്മ വേദി.
ബ്രിട്ടണിലുള്ള പതിനായിരക്കണക്കിനുവരുന്ന സീറോമലബാര്‍ സഭാനുയായികള്‍ക്കായി ഇക്കൊല്ലം ജൂലൈ 28 നാണ് ഫ്രാന്‍സീസ് പാപ്പാ പ്രസ്റ്റണ്‍ രൂപത സ്ഥാപിച്ചതും അതിന്‍റെ പ്രഥമ മെത്രാനായി മാര്‍ ജോസഫ് സ്രാമ്പിക്കലിനെ നാമനിര്‍ദ്ദേശം ചെയ്തതും.
| All the contents on this site are copyrighted ©. |