(Ռատիօ Վատիկան) Արեւելեան եկեղեցիներու Ժողովը հրապարակեց հաղորդագրութիւն մը որուն մէջ նշուած է թէ Արեւելեան Եկեղեցիներու Ժողովի կառավարիչ` կարդինալ Լէոնարտօ Սանտրի, 7-10 հոկտեմբեր 2016-ին կ՛այցելէ Լիբանանը, նախագահելու համար Պէյրութի Առաքելական Փոխանորդ` Գերապայծառ Սեզար Եսայեանի Եպիսկոպոսական Օծման արարողութիւնը որ տեղի պիտի ունենայ շաբաթ 8 հոկտեմբեր 2016-ին, Պէյրութի Սուրբ Լուիս աթոռանիստ եկեղեցւոյ մէջ։
Լիբանան ժամանելուն` 7 Հոկտեմբերին, Կարդինալ Սանտրի պիտի մասնակցի Լիբանանի ազգային վերանորոգուած թանգարանի բացման արարողութեան որուն ներկայ կը գտնուի նաեւ Իտալիոյ արտգործ նախարար` Փաոլօ Ճենթիլոնին։
Լիբանան կեցութեան ընթացքին ծիրանաւորը հանդիպումներ պիտի ունենայ Մարոնիներու պատրիարք Կարդինալ Ռայիի հետ, Ասորի Կաթողիկէ եկեղեցւոյ եպիսկոպոսներուն որոնք այս օրերուն գումարած էին իրենց սիւնհոդոսը գլխաւորութեամբ Ասորի Եկեղեցւոյ գերերջանիկ Եունան Պատրիարքին ։ Կարդինալ Սանտրի պիտի այցելէ նաեւ Մալթայի Ասպետական կարգի խնամակալութեան տակ գտնուող գաղթականներու ճամբարներ։
All the contents on this site are copyrighted ©. |