Ինը կարդինալներու խորհուրդի 16-րդ ժողովը Վատիկանի մէջ։

(Ռատիօ Վատիկան) Երկուշաբթի 12 սեպտեմբերէն մինչեւ չորեքշաբթի 14 սեպտեմբեր Վատիկանի մէջ Ֆրանչիսկոս Սրբազան Քահանայապետի նախագահութեամբ տեղի կ՛ունենայ Ինը կարդինալներու խորհուրդի 16-րդ խորհրդաժողովը։

Կարդինալներու սոյն խորհուրդին պարտականութիւնն է օգնել Ֆրանչիսկոս Պապին` Եկեղեցւոյ կառավարման աշխատանքին մէջ ինչպէս նաեւ անոր հետ միասին սերտել եկեղեցական բարեկարգումները եւ վատիկանեան սահմանադրութեան բարեփոխումները։

Կարդինալական խորհուրդի առաջին ժողովը գումարուեցաւ 2013-ին, 1-3 հոկտեմբերին, ապա ունեցաւ տարեկան հերթական չորս հանդիպումներ։ Այս օրերուն գումարուած ժողովը 2016 տարուայ հերթական չորրորդ հանդիպումն է։