Տաթեւի վանական համալիրին մէջ Սեպտեմբեր 14-16 առաջին անգամ տեղի պիտի ունենայ «Շարական» փառատօնը: Լրագրողներու հետ հանդիպման ժամանա ըսած է փառատօնի կազմակերպիչ Music of Armenia-ի հիմնադիր տնօրէն, «Շարական» փառատօնի հիմնադիր Յասմիկ Մովսիսեանը:
Ըստ անոր, «Շարական» փառատօնի նպատակներն են՝ վերաբացայայտել եւ պահպանել հայ հոգեւոր երաժշտութեան ժառանգութիւնը, ծանօթացնել այդ ժառանգութիւնը նաեւ օտարազգիներուն, բացայայտել նոր տաղանդներ, խթանել ազգային, միջազգային եւ միջմշակութային համագործակցութիւնը, կը յայտնէ panorama.am-ը:
«Համոզուած եմ, որ լսարանի մեծ մասը կը լինեն օտարազգիներ, քանի որ Տաթեւում շատ են զբօսաշրջիկները»,- ըսած է ան:
Յ. Մովսիսեանի խօսքով, կը նախատեսուին փառատօնը դարձնել ամենամեայ:
Փառատօնի բացման ելոյթ պիտի ունենայ Հայաստանի պետական կամերային երգչախումբը (գեղարուեստական ղեկավար Ռոբերտ Մլքէեան), պիտի իրականացուի վարպետութեան դաս Ռոբերտ Մլքէեանի մասնակցութեամբ: Սեպտեմբեր 15-ին ելոյթ պիտի ունենայ Երեւանի պետական կամերային երգչախումբը (գեղարուեստական ղեկավար Յարութիւն Թօփիկեան): Սեպտեմբեր 16-ին հանդէս պիտի գայ Տաթեւի վանական երգչախումբը:
Ասուլիսին ներկայ Հայաստանի կամերային երգչախումբի տնօրէն, արուեստի վաստակաւոր գործիչ Արմէն Արաբեանը ըսած է, որ Հայաստանի պետական կամերային երգչախումբը պիտի ներկայացնէ միջնադարեան հոգեւոր երաժշտութիւն, Կոմիտաս, ժամանակակից երգահաններու հոգեւոր ստեղծագործութիւններ:
Հայաստանի պետական կամերային երգչախումբի գեղարուեստական ղեկավար Յ. Թօփիկեանը ըսած է, որ իրենց համար շատ կարեւոր է, թէ ուր ելոյթ կ՛ունենան, իսկ Տաթեւի վանական համալիրին մէջ ելոյթ ունենալը առաւել ոգեւորող է: Ան նշեց, որ իրենք պիտի ներկայացնեն Կոմիտաս:
Յ. Մովսիսեանի խօսքով, Մայր Աթոռը տեղեակ է փառատօնի մասին, ծանօթացած է նաեւ ծրագիրին, պայման եղած է, որ ծրագիրին մէջ պէտք է հնչէ միայն հայկական հոգեւոր երաժշտութիւն:
Նշենք, որ փառատօնը տեղի պիտի ունենայ «Տաթեւի վերածնունդ» հիﬓադրաﬕ աջակցութեամբ:
All the contents on this site are copyrighted ©. |