(Ռատիօ Վատիկան) Երեքշաբթի 6 սեպտեմբեր 2016-ի առաւօտեան Ֆրանչիսկոս Սրբազան Քահանայապետը Տոմուս Սանթա Մարթայի բնակավայրին մէջ ընդունեց Տիկ Մարիելլա Էնոքը` Մանուկ Յիսուս մանկաբուժարանի վարչական խորհուրդի նախագահը, որ Նորին Սրբութեան ներկայացուց Վատիկանեան մանկաբուժարանի հայող վերջին տեղեկութիւնները ու ձեռնարկուած ծրագիրները` յատկապէս հայող Ափրիկեան ցամաքամասին։ Տիկ Էնոք Վատիկանի Ձայնասփիւռի հետ այս առթիւ ունեցած մէկ զրոյցի մը ընթացքին յայտնեց թէ Սրբազան Քահանայապետը խոստացած է Ափրիկեան ծրագիրին յատկացնել դրամական մէկ օգնութիւն։
Նշենք նաեւ թէ միշտ այսօր առաւօտեան Ֆրանչիսկոս Պապը դուրս գալով իր Վատիկանի բնակավայրէն հանդիպեցաւ Տոմուս Սանթա Մարթայի հրապարակին վրայ համախմբուած` Միլանոյէն հեծանիւով դէպի Հռոմ ուխտագնացութիւն կատարած խումբ մը երիտասարդներուն ու անոնց ընկերացող Քահանաներուն, օրհնելով զանոնք, անոնց հեծանիւներն ու ուխտագնացութիւնը։
All the contents on this site are copyrighted ©. |