Shën Nënë Tereza: Duaje jetën ashtu si të vjen!

Shën Nënë Tereza: Duaje jetën ashtu si të vjen

Duaje jetën ashtu si të vjen
Duaje jetën, e shumë mos kërko!
Duaje kur të duan
e duaje kur t’urrejnë.
Duaje kur t’kuptojnë
e kur s’të kuptojnë aspak.
Duaje kur të braktisin,
o kur t’nderojnë si mbret.
Duaje kur ta grabisin,
duaje kur ta dhurojnë.
Duaje kur ka kuptim,
o kur rëndë ta poshtërojnë!

Duaje kur je i lum.
Duaje dhe në vetmi
Kur je i fortë duaje,
por edhe në ligështi.
Duaje kur druhesh keq,
a kur je plot guxim.
Duaje në gëzime të mëdha,
por edhe në hidhërim.

Duaje dhe kur s’ta jep,
atë që ti kërkon,
Duaje sa herë rilind,
e sa herë që mbaron.
Por mos e duaj kurrë
jetën pa dashuri,
e kurrë mos e jeto,
pa jetë me begati!