Deklaratë fetare amerikano-iraniane në mbrojtje të jetës e kundër terrorizmit

Të punohet për kulturën e takimit, të tolerancës, të dialogut e të paqes, duke respektuar traditat fetare të njëri-tjetrit. Këtë kërkojnë ipeshkvijtë e SHBA-ve dhe krerët fetarë të Iranit në një deklaratë, ku e quajnë “të pamoralshëm” prodhimin dhe përdorimin e armëve të shkatërrimit në masë.

Deklarata ndjek takimin e zhvilluar në Romë, nga data 5 deri më 10 qershorin e këtij viti, me qëllim krijimin e kanaleve të dialogut të vazhdueshëm ndërmjet katolikëve amerikanë dhe krerëve fetarë iranianë. Në veçanti, u fol për parimet etike të përbashkëta, sidomos përsa i përket mbrojtjes së jetës, përdorimit të armëve dhe terrorizmit.

Kreu i Komisionit ipeshkvnor amerikan për Drejtësi e Paqe, ipeshkvi i Las Cruces, Oscar Cantù, nënvizon se deklarata “është fryt i dialogut të sinqertë ndërmjet dy feve, të bashkuara në fushën e mbrojtjes së jetës e të dinjitetit të njeriut. Së bashku, impenjohemi të krijojmë dialog për çështjet më urgjente të familjes njerëzore, si varfëria, padrejtësia, intoleranca, terrorizmi dhe lufta”.