Լահհամ Պատրիարքին հրաւէրը՝՝ աղօթքով պայքարիլ ահաբեկչութեան դէմ՝՝։
(Ռատիօ Վատիկան) Օգոստոս ՝1-էն - 14 երկարող օրերուն տեղի կ՛ունենայ՝՝Փարաքլսի՝՝ աղօթքի ձեռնարկը։ Անտիոքի , համայն միջին Արեւելքի, Աղեքսանդրիոյ եւ երուսաղեմի Յոյն Կաթողիկէ (Մելքիթներու) Գրիգոր Գ Լահհամ Պատիարքը հրաւէր ուղղեց հաւատացեալներուն, որուն մէջ խնդրեց անոնցմէ աղօթքով եւ ծոմապահութեամբ պայքարիլ ահաբեկչական ծովածաւալ հոսանքին դէմ։
Սիր լրատուական գործակալութեան փոխանցմամբ , Մելքիթներու Պատրիարքը իր յղած կոչին մէջ անդրադարձած է նաեւ Գերմանիոյ մէջ ահաբեկչական յարձակումներուն, Ֆրանսայի Ռուեն քաղաքին կաթողիկէ եկեղեցւոյ մէջ գործուած վայրագութեան ինչպէս նաեւ Սուրիոյ վերջին ողբերգութիւններուն մասին։ Ան ապա
Սուրբ Կոյս Մարիամի վերափոխման տօնին ի տես, հրաւէր ուղղած է հաւատացեալներուն ծոմ պահելու եւ աղօթելու, որպէսզի Տիրամայրը իր բարեխօսութեամբ կարենայ դադրեցնել ահաբեկչական ու ոճրային արարքները։
Պատրիարքը ապա իր ցաւակցութիւնը յայտնած է Գերմանիոյ եւ Ֆրանսայի ապահովեցնելով իր աղօթքը զոհերուն համար, ու վիրաւորներուն մաղթելով՝ արագ ապաքինում ինչպէս նաեւ մեր երկիրներուն մէջ խաղաղութեան վերահաստատումին համար։
| All the contents on this site are copyrighted ©. |