Ֆրանչիսկոս Պապ. Վաղը ուխտագնացութեամբ կը մեկնիմ Ասսիզի։

(Ռատիօ Վատիկան) Չորեքշաբթի 3 օգոստոսի հրապարակային ունկնդրութեան աւարտին Ֆրանչիսկոս Սրբազան Քահանայապետը վերյիշեցուց թէ վաղը` Հինգշաբթի 4 օգոստոսին, պիտի այցելէ Ասսիզիի ''Հրեշտակներու Տիրամայր - Սանթա Մարիա Տէյլի Անճելի'' պազիլիքան` Ասսիզիի Ներումին 800-րդ տարեդարձին առթիւ, որուն տօնակատարութիւնները սկիզբ առին  2 օգոստոսին։

''Այս ուխտագնացութիւնը պիտի ըլլայ շատ պարզ սակայն իմաստալից, Ողորմութեան այս Յոբելենական Սուրբ տարուան առթիւ'', ըսաւ Սրբազան Պապը, ու բոլորէն խնդրեց որ իրենց ընկերանան աղօթքով, հայցելով Սուրբ Հոգւոյն լոյսն ու զօրութիւնը ինչպէս նաեւ Սուրբ Ֆրանչիսկոսի երկնային բարեխօսութիւնը։