Հայր Լոմպարտի անուանուեցաւ ''Ժոզէֆ Ռացինկեր'' հիմնարկի հոգաբարձութեան նախագահ։

(Ռատիօ Վատիկան) երկուշաբթի 1 օգոստոս 2016-ին, Սուրբ Աթոռի Պետական քարտուղար Կարդինալ Փիեթրօ Փարոլինի ստորագրութիւնը կրող նամակով մը, Հայր Ֆետերիքօ Լոմպարտին նշանակուեցաւ ''Ժոզէֆ Ռացինկեր – Պենետիկտոս ԺԶ'' Վատիկանեան հիմնարկի մատակարարական հոգաբարձութեան նախագահ։

Նշենք թէ Ռացինկէր հիմնարկը հիմնուած է Պենետիկտոս ԺԶ Վաստակաւոր Քահանայապետի կողմէ 2010-ին ունենալով որպէս նպատակակէտ Աստուածաբանութեան ճանաչումի ու ուսումնասիրութեան զարգացումը, մշակութային եւ գիտական խորհրդաժողովներու կազմակերպութեամբ։ Հիմնարկը ունի նաեւ մրցանակ մը որ ամէն տարի կը շնորհուի այն  գիտնականներու կամ հետազօտական աշխատանք տանողներուն որոնք յատուկ արժանիքներ ցուցաբերած են գիտական կամ մշակութային ասպարէզէն ներս։