Ֆրանչիսկոս Պապին պատգամը Ուաշինկթընի “Together 2016” երիտասարդական ձեռնարկին։

(Ռատիօ Վատիկան) Անցեալ  16 յուլիս 2016-ին Ուաշինկթընի մէջ`Աւետարանութեան ու աղօթքի  “Pulse”  ընկերակցութեան կազմակերպած  “Together 2016” համամիութենական երիտասարդական հաւաքին առթիւ, Ֆրանչիսկոս Սրբազան Քահանայապետը լսատեսողական պատգամ մը յղած է ձեռնարկին մասնակցող երիտասարդներուն որուն մէջ ընդգծած է թէ Աստուած ոչ մէկը յուսախաբ կը թողու, հրաւիրելով երիտասարդները մասնակցիլ վերոնշեալ հաւաքին ''որտեղ կարելի է, ըսած է Քահանայապետը, հանդիպիլ Անձի մը որ կարող է պատասխան տալ բոլոր անհանգստութիւններուդ''։

Ֆրանչիսկոս Պապ հուսկ աւելցուցած է ''վստահ եղիր` Աստուած ոչ մէկը յուսախաբ կը թողու'', ապա հրաւիրած է երիտասարդները փորձարկելու այդ հանդիպումը ըսելով '' Յիսուս քեզ կը սպասէ, Ինքն է որ սրտիդ մէջ ցանեց ''խռովութեան'' սերմը։ Քաջութիւն։ Բան չունիս կորսնցնելիք։ Փորձէ։ Ապա ինծի հեռաձայնէ''։