(Ռատիօ Վատիկան) Յառաջիկայ 22-24 Յուլիս 2016-ին Իտալիայէն, Պրազիլէն, Պիելոռուսիայէն, Ուկրանիայէն, տարբեր ազգութիւններու պատկան երիտասարդներ պիտի համախմբուին Լեհաստանի մէջ ի պատրաստութիւն Քրաքովիայի 2016-ի երիտասարդներու 31-րդ հաւաքին, որ ինչպէս յայտնի է տեղի պիտի ունենայ 26-31 Յուլիս 2016-ին Ֆրանչիսկոս Պապին ներկայութեամբ։
Վերոնշեալ երիտասարդները այդ օրերուն պիտի մասնակցին իրենց տարեկից լեհ երիտասարդներու հետ միասին իրենց համար կազմակերպուած զանազան ձեռնարկներուն ապրելով զօրակցութեան եւ ողորմութեան փորձառութիւններ Լեհաստանի տարբեր քաղաքներու մէջ, որպէսզի ապա փոխադրուին Քրաքովիա միանալու աշխարհի զանազան երկիրներէն ժամանած միւս երիտասարդներուն ու միասնաբար տօնախմբելու երիտասարդութեան համաշխարհային 31-րդ` հաւատքի ու բարեկամութեան ինչպէս նաեւ ողորմութեան օրերը։
All the contents on this site are copyrighted ©. |