Կրէկ Պուրքը անուանուեցաւ Սուրբ Աթոռի մամլոյ գրասենեակի նոր տնօրէն։
(Ռատիօ Վատիկան) Երկուշաբթի` 11 Յուլիս 2016-ին, Ֆրանչիսկոս Սրբազան Քահանայապետը ընդունելով Յիսուսեան Միաբանութեան անդամ` Հայր Ֆետերիքօ Լոմպարտիի տարիքի բերումով ներկայացուցած հրաժարականը Սուրբ Աթոռի Մամլոյ գրասենեակի տնօրէնի պաշտօնէն, 2016-ի օգոստոս մէկէն սկսեալ անոր տեղ անուանեց` Տիար Կրէկ Պուրքը որ մինչեւ օրս կը վարէր մամլոյ գրասենեակի փոխ տնօրէնի պաշտօնը։
Ֆրանչիսկոս Սրբազան Քահանայապետը ապա որպէս Սուրբ Աթոռի մամլոյ գրասենեակի փոխ տնօրէն անուանեց Տիկ Փալոմա Կարսիա Օվեյերոն` միշտ 1 օգոստոս 2016-էն սկսեալ։
----
Տիար Կրէկ` (Կրէկորի Ժոզէֆ) Պուրքը ծնած է 8 նոյեմբեր 1959-ին Միացեալ Նահանգներու Սէն Լուիս քաղաքին մէջ։ Իր նախնական ուսմունքը աւարտած է քաղաքի Յիսուսեան Միաբանութեան ճեմարանին մէջ, ապա 1983-ին, Նիւ Եորքի ''Քոլումպիա'' համալսարանին մէջ ստացած է ''համեմատական գրականութեան'' վկայականը ու նոյն տարիներուն անդամակցած է ''Օփուս Տէյ'' հասարկութեան։
Կրէկ Պուրքը աշխատած է ամերիկեան ու միջազգային լրատուամիջոցներու գործակալութիւններուն որպէս լրագրող եւ թղթակից, որոնց շարքին նշենք` "United Press International", Reuters" "Metropolitan" եւ "National Catholic Register"։ 1990-ին կը գործակցի Time շաբաթաթերին հետ։ 2001-ին կը սկսի աշխատիլ Fox News հեռուստակայանի հետ եւ 2012 կը կանչուի Վատիկանի Պետական քարտուղարութիւն` որպէս հաղորդակցութեան խորհրդատու։ 21 դեկտեմբեր 2015-էն ի վեր Տիար Կրէկ Պուրք կը վարէր Սուրբ Աթոռի Մամլոյ գրասենեակի փոխ տնօրէնի պաշտօնը։ Ան հմուտ է անգլերէնի, իտալերէնի, սպաներէնի եւ ֆրանսերէնի։
Մինչ Տոքդ Փալոմա Կարսիա Օվեյերոն ծնած է Մատրիտ` 12 օգոստոս 1975-ին եւ 1998-ին Մատրիտի ''Complutense'' համալսարանի մէջ աւարտած է լրագրութեան մասնաճիւղը։
2012-էն ի վեր "Cadena Cope, Radio Española" –ի Վատիկանի մօտ մնայուն թղթակիցն էր։ Լաւապէս տիրացած է Սպաներէնի, Անգլերէնի, Իտալերէնի եւ Չինարէնի։
| All the contents on this site are copyrighted ©. |