(Ռատիօ Վատիկան) Քրաքովիայի մէջ նշուելիք երիտասարդութեան 31-րդ համաշխարհային օրուան առթիւ, չորս հազար քանատացի երիտասարդներ արդեն արձանագրուած են ու կը պատրաստուին մեկնիլ Լեհաստան` Քանատացի Ինը եպիսկոպոսներէ կազմուած մէկ պատուիրակութեան գլխաւորութեամբ։
''Երանի ողորմածներուն որովհետեւ ողորմութիւն պիտի գտնեն'' բնաբանով Քրաքովիայի մէջ կազմակերպուած այս համաշխարհային 31-րդ հաւաքի ծիրէն ներս երիտասարդ ուխտաւորները առիթը պիտի ունենան մասնակցելու Լեհաստանի թեմերու կողմէ կազմակերպուած ձեռնարկներուն որոնց շարքին նշենք ազգային արարողութիւնը որ տեղի կ՛ունենայ 26 Յուլիսին` Ամենասուրբ Կոյս Մարիամի ծնողաց եւ Յիսուսի Մեծ մօր ու Մեծ հօր` Աննայի եւ Յովակիմի տօնին առթիւ։
Յայտնենք թէ վերոնշեալ համաշխարհային հաւաքին իր մասնակցութիւնը կը բերէ նաեւ Ֆրանչիսկոս Սրբազան Քահանայապետը որ` 27 – 31 Յուլիս 2016-ին առաքելական ճամբորդութեամբ կը մեկնի Լեհաստան։
All the contents on this site are copyrighted ©. |