“Мы звяртаемся да лідэраў краін свету, каб пачулі просьбы мільёнаў людзей, якія жадаюць міру і справядлівасці ў свеце, якія патрабуюць захавання правоў, дадзеных ім Богам, якія патрабуюць хлеба, а не зброі”, напісалі папа Францішак і Гарэгін ІІ у супольнай дэкларацыі падпісанай 26 чэрвеня 2016 г. у Апостальскім палацы Армянскай Апостальскай Царквы ў Эчміядзіне . У дакуменце яны выказалі надзею на мірнае вырашэнне канфлікту ў Нагорным Карабаху. На пачатку дакументу выказваецца радасць, што сёння ў Арменіі хрысціянская вера вельмі жывая і Армянская Царква праводзіць сваю місію ў духу братэрскага супрацоўніцтва з іншымі хрысціянскімі канфесіямі, падтрымліваючы вернікаў у будаванні света салідарнасці, справядлівасці і міру.
“На жаль, мы з’яўляемся сведкамі вялікай трагедыі, якая адбываецца на нашых вачах, бачым незлічоную колькасць нявінных людзей, якіх забіваюць, перамяшчаюць або прымушаюць да балючай і няўпэўненай эміграцыі з-за канфліктаў на эканамічным, палітычным і рэлігійным фоне на Блізкім Усходзе і ў іншых частках свету”, - адзначаецца ў дэкларацыі. Папа і Гарэгін ІІ падкрэсліваюць, што ў выніку гэтага, рэлігійныя і этнічныя меншасці сталі аб'ектам пераследаў і жорсткага абыходжання, у той ступені, што пакуты з-за сваёй веры сталі звычайнай з'явай. “Пакутнікі належаць да ўсіх Касцёлаў, і іх мукі з'яўляюцца “экумэнізмам крыві”, які перавышае гістарычныя падзелы сярод хрысціян”, - падкрэслілі Папа і Гарэгін ІІ.
“Мы з'яўляемся сведкамі выявы рэлігій і рэлігійных каштоўнасцяў у радыкальны спосаб, які скарыстоўваецца для таго, каб апраўдываць распаўсюджванне нянавісці, дыскрымінацыі і гвалту. Апраўдыванне такіх злачынстваў на аснове рэлігійных ідэй не з'яўляецца прымальным”, адзначылі Францішак і Гарэгін ІІ. Паводле іх павага да рэлігійнай адметнасці з'яўляецца неабходнай умовай для мірнага суіснавання розных этнічных і рэлігійных груп. Таму, што мы хрысціяне, мы пакліканы шукаць дарогі, якія вядуць да прымірэння і міру. “Таму мы выказваем надзею на мірнае вырашэнне пытанняў, якія тычацца Нагорнага Карабаха”, - напісалі яны.
Францішак і Каталікос заклікаюць вернікаў сваіх Касцёлаў, каб адкрылі сэрцы і рукі для ахвяраў вайны і тэрарызму, бежанцаў і членаў іх сем'яў. Тут ідзе гаворка пра сэнс нашага чалавецтва, нашай салідарнасці, спагады і шчодрасці, якія могуць быць адэкватна выказаныя толькі ў справядлівым выкарыстанні рэсурсаў. “Мы выказваем нашу ўдзячнасць за ўсё, што ўжо зроблена, але падкрэсліваем, што значна больш трэба зрабіць з боку палітычных лідэраў і міжнароднай супольнасці, каб гарантаваць усім права да жыцця ў супакоі і бяспецы, для захоўвання вяршэнства закона, абароны рэлігійных і этнічных меншасцяў, барацьбы з гандлем людзьмі і кантрабандай”, адзначылі Святы Айцец і Каталікос усіх армян.
Яны выказалі трывогу з-за таго, што секулярызацыя грамадства непазбежна вядзе да свецкага і матэрыялістычнага бачання чалавека і чалавечай сям'і. “У сувязі з гэтым мы занепакоеныя крызісам сям'і ў многіх краінах. Армянская Апостальская Царква і Каталіцкі Касцёл падзяляюць гэтае бачанне сям'і, заснаванай на шлюбным саюзе, акце бескарыслівай і вернай любові паміж мужчынам і жанчынай”, - напісалі Папа і Гарэгін ІІ.
Аўтары дакумента выказалі радасць, што нягледзячы на падзелы паміж хрысціянамі, яны больш выразна ўсведамляюць тое,што аб'ядноўвае ёсць значна большым, чым тое, што падзяляе. ”За апошнія дзесяцігоддзі адносіны паміж Армянскай Апостальскай Царквой і Каталіцкім Касцёлам паспяхова ўступілі ў новы этап... Мы заклікаем нашых вернікаў да паслядоўнага супрацоўніцтва на карысць спрыяння ў грамадскасці хрысціянскім каштоўнасцям, якія паспяхова дапамагаюць будаванні цывілізацыі справядлівасці, міру і чалавечай салідарнасці. Няхай Святы Дух навучыць нас усёй праўдзе, падтрымлівае кожнае сапраўднае намаганне, каб будаваць паміж намі масты любові і еднасці”, - напісалі на заканчэнне Святы Айцец і Гарэгін ІІ.
Ян Мойсік
All the contents on this site are copyrighted ©. |