Ֆրանչիսկոս Պապ նախագահեց Սուրբերու Դատին հայող Կարդինալական վեհաժողովին։

 (Ռատիօ Վատիկան) Երկուշաբթի 20 Յունիս 2016-ին, առաւօտեան ժամը 10-ին, Վատիկանի Առաքելական Պալատի Քոնչիսթորօ սրահին մէջ, Ֆրանչիսկոս Սրբազան Քահանայապետը գլխաւորեց Երրորդ Ժամու ժամասացութիւնը որմէ ետք Նորին Սրբութիւնը նախագահեց Երանելիներու սրբադասումին հայող Կարդինալական հանրային վեհաժողով որուն ընթացքին որոշում առնուեցաւ Խորաններու պատւոյն արժանացնել հետեւեալ Երանելիները.

- Սալոմոնէ Լէքլերք` աւազանի անունով Կուլիելմօ Նիքոլա Լուտովիքօ, Նահատակ, Քրիստոնեայ Դպրոցներու եղբայրակցութեան միաբանութենէն։

- Մանուել Կոնզալէս Կարսիա` Փալենսիայի եպիսկոպոս եւ հիմնադիր ''քաւիչ հաղորդութեան միութեան'' ու Նազարէթի Սուրբ հաղորդութեան Առաքեալներու իգական միաբանութեան

- Լոտովիքօ Բավոնի` Քահանայ եւ հիմնադիր ''Անարատ Յղութեան զաւակներու միաբանութեան

- Ալֆոնսօ Մարիա Ֆուսքօ, Քահանայ եւ հիմնադիր Սուրբ Յովհաննէս Մկրտիչի միաբանութեան

-  Էլիզապեթթա Տելլա Սանթիսսիմա Թրինիթա, աւազանի անունով Էլիզապեթթա Քաթեզ, բոպիկ Քարմելիթաններու միաբանութեան կրօնաւորուհի։

Սրբադասման արարողութիւնը տեղի պիտի ունենայ յառաջիկայ 16 հոկտեմբեր 2016-ին։