Ֆրանչիսկոս Պապ ընդունեց Հոլլանտայի Վարչապետը
(Ռատիօ Վատիկան) Չորեքշաբթի, 15 յունիսին, Վատիկանի մամլոյ գրասենեակը հրապարակեց հաղորդագրութիւն մը, որուն մէջ նշեց՝ թէ այսօր, չորեքշաբթի 15 յունիսին, Ֆրանչիսկոս Պապ Վատիկանի մէջ ունկնդրութիւն շնորհած է Հոլլանտայի վարչապետ՝ տիար Մարք Ռութթեյին։ Ապա վարչապետը հանդիպում ունեցած է Վատիկանի Պետական քարտուղար Կարդինալ Փարոլինին հետ, որուն ընկերացած է պետութիւններու հետ յարաբերութեան բաժանմունքի քարտուղար՝ գերապայծառ Փոլ Ռիչարտ Կալլակերը։
Սիրալիր խօսակցութիւնը կատարուած է երկկողմանի բարի յարաբերութիւններու մթնոլորտին մէջ։ Կեդրոնացումի նիւթ հանդիսացած են երկու կողմերը հետաքրքրող հարցեր, ինչպէս գաղթականութեան հոլովոյթը եւ միջազգային բնոյթ ունեցող կարգ մը այլ հարցեր։
| All the contents on this site are copyrighted ©. |