2016-06-08 13:59:00

Համահայկական խաղերը տեղի պիտի ունենան Արցախի մէջ


Համահայկական խաղերու համաշխարհային կոմիտէն (ՀԽՀԿ) որոշած է 2017 թուականի Համահայկական 7-րդ ամառնային խաղերը իրականացնել Արցախի մէջ: Գործադիր կոմիտէի նիստի ընթացքին այս առաջարկը ըրած է ՀԽՀԿ նախագահ Իշխան Զաքարեանը: Առաջարկը մեծ ոգեւորութեամբ ընդունած են գործադիր կոմիտէի բոլոր անդամները:

«Սա պատմական որոշում պիտի ըլլայ` մեր գաղափարներու իրագործման անկիւնաքարը: Այս որոշումը իրապէս կ’արտացոլէ մեր նպատակը` «Հայաստան-Արցախ-Սփիւռք» եռամիասնութիւնը»,- նշած է Իշխան Զաքարեանը, կը յայտնէ sport.news.am-ը:

Համահայկական 7-րդ ամառնային խաղերը Արցախի մէջ իրականացնելու հարցը դրուած է քուէարկութեան եւ ընդունուած միաձայն: ՀԽՀԿ գործադիր կոմիտէն որոշում ընդունած է նաեւ ՀԽՀԿ Գլխաւոր հաւաքը կազմակերպել Արցախի մէջ` 2017թուականի Սեպտեմբեր 3-ին: Համահայկական 2-րդ ձմեռնային խաղերը տեղի պիտի ունենան 2018 թուականի Փետրուարին Ծաղկաձորի մէջ:








All the contents on this site are copyrighted ©.