Ազգային Սուրբ Հաղորդութեան գիտաժողով ՝ Ֆաթիմայի մէջ

(Ռատիօ Վատիկան) 10-12 յունիս 2016-ին, Ֆաթիմայի մէջ տեղի կ՝ունենայ  ՝՝Ապրիլ Սուրբ Հաղորդութիւնը, Ողորմածութեան ակնաղբիւրը՝՝ խորագիրով Ազգային Սուրբ Հաղորդութեան գիտաժողովը։

Գիտաժողովին ընթացքին   զեկուցողներու շարքին են  Սուրբ Հաղորդութեան միջազգային ժողովներու Քահանայապետական յանձնախումբի նախագահ Գերապայծառ Փիերօ Մարինի ,որ դասախօսութեամբ մը  պիտի զրուցէ՝՝ Սուրբ Հաղորդութիւնը ՝ ակնաղբիւր քրիստոնէական կեանքի ՝՝նիւթին մասին։

Խօսք պիտի առնէ նաեւ գիտաժողովին Ֆրանչիսկոս Պապի յատուկ ներկայացուցիչը ՝ անձինք նուիրեալներուն ժողովի կառավարիչը կարդինալ Ժուաօ Պրազ տէ Աւիզ.  որ  պիտի զրուցէ ''Ողորմածութիւնը եկեղեցւոյ կեանքէն ներս'' նիւթին մասին։