Թրքական «ՏեմոքրաթՀապեր» կայքը կը հաղորդէ, որ Սուրիոյ մէջ զինադուլին հետեւող ռուսական կեդրոնը յայտարարած է, որ Ռուսիան Թուրքիան կը մեղադրէ իր տարածքով ահաբեկչական Ժապհաթ Նուսրա կազմակերպութեան աւելի քան 200-է աւելի անդամները ապօրինաբար Սուրիա անցընելու եւ կառավարական ուժերուն դէմ յարձակումներ գործելու, ինչպէս նաեւ ահաբեկիչները զէնքով մատակարարելու յանցանքով: Կեդրոնին յայտարարութիւնը տեղադրուած է Ռուսիոյ պաշտպանութեան նախարարութեան կայքին վրայ:
«Միջազգային ահաբեկչական Ժապհաթ Նուսրա կազմակերպութեան 200-է աւելի անդամներ Պէյսուն բնակավայրին մօտ, ապօրինաբար անցնելով Թուրքիոյ սահմանը, յարձակում գործած են Սուրիոյ բանակի դիրքերուն դէմ», կ՛ըսուի յայտարարութեան մէջ:
«ՌԻԱ Նովոսթի» իր կարգին կը հաղորդէ, որ Ռուսիոյ պատկանող անօդաչու թռչող սարքեր նկարած են Թուրքիայէն Սուրիոյ Հալէպի եւ Իտլիպի շրջաններուն մէջ ժիհատականներուն զէնք փոխադրող բեռնատարներու շարասիւներ:
Քաղուած Ազդակ օրաթերթէն
All the contents on this site are copyrighted ©. |