Ինը կարդինալներու խորհուրդի 15-րդ ժողովը Վատիկանի մէջ։

(Ռատիօ Վատիկան) Երկուշաբթի 6 յունիսէն մինչեւ չորեքշաբթի 8 Յունիս Վատիկանի մէջ տեղի կ՛ունենայ Ինը կարդինալներու խորհուրդի 15-րդ ժողովը զոր կը նախագահէ Ֆրանչիսկոս Սրբազան Քահանայապետը։ Սոյն խորհուրդին պարտականութիւնն է օգնել Ֆրանչիսկոս Պապին` Եկեղեցւոյ կառավարման աշխատանքին մէջ ինչպէս նաեւ անոր հետ միասին սերտել եկեղեցական բարեկարգումները եւ վատիկանեան սահմանադրութեան փոփոխումները։

Կարդինալական խորհուրդի առաջին ժողովը գումարուեցաւ 2013-ին, 1-3 հոկտեմբերին, ապա ունեցաւ տարեկան  հերթական չորս հանդիպումներ։ Այս օրերուն գումարուած ժողովը 2016 տարուայ հերթական երրորդ հանդիպումն է։