Հայ Կաթողիկէ Պատրիարքութեան Դիւանը կը յայտարարէ թէ երեքշաբթի 24 մայիս 2016-ին, Ամենապատիւ եւ Գերերջանիկ Տէր Գրիգոր Պետրոս Ի. Կաթողիկոս Պատրիարք Տանն Կիլիկիոյ Կաթողիկէ Հայոց հետեւեալ անուանումները կատարեց:
Զմմառու Պատրիարքական Կղերի Միաբանութենէն Գերապատիւ Հայր Վարդան վարդապետ Գազանճեան տրամադրուեցաւ Պոլսոյ Հայ Կաթողիկէ Թեմի Առաջնորդ՝ Արհիապատիւ Տէր Լեւոն Արքեպիսկոպոս Զէքիեանին, յունիս 12-էն սկսեալ, Պոլսոյ թեմին մէջ աշխատելու համար:
Զմմառու Պատրիարքական Կղերի Միաբանութենէն Գերապատիւ Հայր Սեպուհ վարդապետ Կարապետեան անուանուեցաւ Աշրաֆիէի «Սրբոյ Կուսին Աւետման» եկեղեցւոյ ժողովրդապետ: Ան իր նոր առաքելութիւնը պիտի սկսի 12 յունիսին: Գերապատիւ Հայր Սեպուհ անուանուեցաւ նաեւ Պատրիարքութեան Դիւանապետ, «Աւետիք» պաշտօնաթերթի խմբագրապետ եւ Հայ Կաթողիկէ Պատրիարքութեան համացանցի պատասխանատու:
Զմմառու Պատրիարքական Կղերի Միաբանութենէն Գերյարգելի Հայր Եղիա Ծ.Վ. Եղիայեան անուանուեցաւ Զալքայի «Սուրբ Խաչ» եկեղեցւոյ ժողովրդապետ: Ան իր առաքելութիւնը պիտի սկսի 12 յունիսին:
Պէյրութ, 24 մայիս 2016
Դիւան Հայ Կաթողիկէ Պատրիարքութեան
All the contents on this site are copyrighted ©. |