Ֆրանչիսկոս Պապի 16 մայիսի գործունէութիւնը։

(Ռատիօ Վատիկան) Երկուշաբթի, 16 մայիս 2016-ին՝ առաւօտուն,  Ֆրանչիսկոս Սրբազան Քահանայապետ իր գրասենեակին մէջ յաջորդաբար ընդունեց Պուլկարիոյ հանրապետութեան նախագահ՝ Տիար Ռոսէն Փլեվնելիեւն ու անոր ընկերացող պատուիրակութիւնը, որմէ ետք ընդունեց Ընտանիքի Քահանայապետական խորհուրդի նախագահ՝ Գերապայծառ Վինչենցօ Փալիան։  Ժամը՝ 11.00-ին,  Ֆրանչիսկոս Պապ ընդունեց  նախկին Եկոզլավական հանրապետութեան, Մակեդոնիայի խորհրդարանի նախագահ՝ Տիար Թաժքօ Վելժանոսքին ու անոր  ընկերացող կողակիցն ու պատուիրակութիւնը։

Նշենք,  թէ Սրաբազան Քահանայապետը, Պուլկարիոյ եւ Մակեթոնիայի պատուիրակութիւնները  սովորաբար կ՝ընդունի,  Եւրոպայի Սուրբ Կիւրեղ եւ Մեթոտէյոս Պաշտպան սուրբերու տօնին առիթով՝ որ ըստ լատին ծէսին  կը նշուի 24 մայիսին։

Ապա ՝ժամը 11.30-ին, Սրբազան Հայրը ընդունեց Քրիստոս Փրկիչ անուան հաստատութեան նախագահ՝ Յիսուսեան միաբանութեան անդամ Հայր  Ժեզուս Ֆերնանտեզ Հերնանտեզը։

Հուսկ՝ կէսօրին, ընդունեց Իտալիոյ Վենետիկի Պատրիարք՝ Գերերջանիկ Ֆրանչեսքօ Մորայլիան։

Իսկ՝ յետմիջօրէին ժամը 16,20-ին , Վատիկանի Սիւնհոդասական դահլիճին մէջ   բացումը կը կատարէ Իտալական Եպիսկոպոսաց համահաւաք դասի ընդհանուր նիստին։