Աշխարհի մէջ 275 միլիոն մանուկներ զոհ են բռնաբարութեան ընտանեկան յարկէն ներս։

(Ռատիօ Վատիկան)  15 Մայիսին Ընտանիքի միջազգային օրն էր, ասիկա բարեպատեհ առիթ մըն է հրաւիրելու հանրային կարծիքը խօսելու ընտանեկան յարկէն ներս բռնութեան զոհ մանուկներու մասին։ Այս երեւոյթը արդարեւ դարձած է գլխաւոր պատճառներէն մէկը` ընտանիքի քայքայումին։ Իտալիոյ մէջ աւելի քան 91 հազար մանուկներ զոհ են խոշտանգումի եւ աւելի քան 30 հազար մանուկներ կ´ապրին բաժնուած իրենց ընտանիքներէն։

''Sos Villagge'' մանուկներու օգնութեան հասնող կազմակերպութիւնը կ´աշխատի ընտանեկան միջավայր մը ստեղծել բռնաբարումի զոհ մանուկներուն համար։ Կազմակերպութիւնը գիտակից է թէ ոչ մէկ մանուկ կը ծնանի առանձին աճելու համար։ 27 Մայիսին Մանուկներու ու անչափահասներու իրաւունքի ճանաչումին 25-րդ տարեդարձին առթիւ ՄԱԿի կողմէ Sos Villagge իր դռները բաց պիտի պահէ մէկ շաբաթուայ մը համար, առիթ տալու այցելուներուն մօտէն ճանչնալ անոր կառոյցները ու տածած խնամատարութիւնը։