(Ռատիօ Վատիկան) Երկուշաբթի 16 Մայիսի յետմիջօրէի ժամը 4,30-ին Վատիկանի սիւնհոդոսական սրահին մէջ սկիզբ կ´առնէ իտալական եկեղեցւոյ եպիսկոպոսական համահաւաք դասի 69-րդ սիւնհոդոսը որուն աշխատանքները պիտի եզրափակուին հինգշաբթի 19 Մայիսին։ Սիւնհոդոսական նիստերու բացումը կը կատարէ ֆրանչիսկոս Պապը։
Երեքշաբթի 17 Մայիսին յետ իտալական եպիսկոպոսական համահաւաք դասի նախագահ կարդինալ Angelo Bagnasco-ի միջամտութեան, եպիսկոպոսները պիտի դիմագրաւեն սիւնհոդոսի նիւթը. ''կղերին բարենորոգումը մնայուն կազմաւորումէն սկսեալ''։
Ժողովական հայրերը նաեւ պիտի սերտեն եկեղեցւոյ տնտեսական մատակարարումը, եկեղեցական դատարաններու կանոններու վերատեսութիւնը ու շարք մը իրաւ-վարչական բնոյթ ունեցող գործադրումներ։
Չորեքշաբթի 18 մայիսի առաւօտեան ժամը 8,30-ին ս. Պետրոս պազիլիքայի մէջ նախատեսուած է համապատարագ զոր պիտի նախագահ կարդինալ Անճելօ Պանիասքոն որ կը տօնախմբէ իր քահանայական ձեռնադրութեան 50-րդ տարեդարձը։
Հինգշաբթի 19 Մայիս ժամը 13-ին Պօղոս Զ սրահին մէջ նախատեսուած է ապա կարդինալ Պանիասքոյի մամլոյ ելոյթը։
All the contents on this site are copyrighted ©. |