''Սպանացի Հայր Վալենթին ու անոր չորս ընկերներուն'' Երանացման արարողութիւնը։

(Ռատիօ Վատիկան)  Շաբաթ, 23 ապրիլ 2016-ին, Սպանիոյ Պուրկոս քաղաքին մէջ Սուրբերու դատի ժողովի կառավարիչ` Կարդինալ Անճելօ Ամաթօ, հանդիսաւոր Սուրբ Պատարագի արարողութեամբ երանելի կը հռչակէ թեմական քահանայ Հայր Վալենթին Փալենսիա Մարքինա ու անոր չորս հաւատարիմ ընկերները։ Երանելի Հայ Վալենթին ծնած է Սպանիոյ Պուրկոս քաղաքին մէջ՝ 28 յուլիս 1871-ին։ Ան նորընծայութեան շրջանին, միշտ յատուկ ուշադրութիւն ունեցած է լքուած մանուկներուն հանդէպ։ 1988ին՝ քահանայական ձեռնադրութիւնը ստանալէ ետք հիմնած է Սան Ճուզէփփէ անուամբ աղքատ մանուկներուն  համար դաստիարակչական ու արուեստագիտական  ուսումնարան մը ՝ որոն յաճախող մանուկներուն թիւը հասած է մինչեւ 110-ի։

Հայր Վալենթին Փալենսիայի ուսումնարանին համբաւը հետզհետէ կը տարածուի ամենուրէք՝ այն աստիճան որ 1925-ին, Սպանիոյ կառավարութեան կողմէ կ՝արժանանայ Սուրբ Խաչի մետալին։ Երանելին  եղած  է միշտ համեստ ու  խոնարհ կղերական մը։  Իր  վայելած բոլոր արժանիքները կը վերագրէր Աստուծոյ։ Ան իր հոգեւոր կտակին մէջ գրած է հետեւեալը ''Երջանկութիւնը զոր միշտ  ցանկացած է  իմ հոգիս , այն է  շնորհել իմ կեանքս՝  Իրեն''։ 18 յուլիս 1936-ին, քաղաքացիական պատերազմի սկիզբը , Տիրամօր Վերափոխման տօնին օրը՝ երանելիին կ՝արգիլուի  Սուրբ Պատարագի զոհը մատուցել։ Մի քանի օրեր ետք , երանելիին  աշակերտներէն  մին,  կը դաւաճանէ զինք ու Սպանիոյ պետութեան   մօտ կ՝ամբաստանէ վարդապետը։ Այս առնչութեամբ, 6 երիտասարդներ կառավարութեան կողմէ կը կանչուին՝ վկայութիւն տալու համար։ Սակայն անոնցմէ չորսը` երանելիին հաւատաիմ   համագործակիցներ, կը  վճռեն թիկունք կանգնիլ իրենց վարդապետին։ Տոնաթօ Ռոտրիկէզ ՝ 24 տարեկան, Ժերման Կարսիա 24 տարեկան, Զաքարիաս Քուէսթա Քամբօ 20 տարեկան, եւ  19 ամեայ Էմիլիօ Հուիտոս Քորրասլես։ Հայր Վալնենթին եւ իր  այս հաւատարիմ չորս երիտասարդները, 15 յունուար 1937-ին, Թրամալոն Լերան վրայ կը դատապարտուին մահուան։

Անոնց երանացման դատը սկիզբ առաւ Պուրկոս քաղքաի թեմին մէջ՝ 30 սեպտեմբեր 1996-ին եւ վերջ գտաւ 18 մարտ 1999-ին։

30 սեպտեմբեր 2015-ին, Ֆրանչիսկոս Պապ ստորագրեց հայր Վալենթինի ու անոր չորս ընկերներուն երանացումի  հրամանագիրը