Ֆրանչիսկոս Պապ Հայաստան կ՛այցելէ 24էն 26 Յունիս 2016։

(Ռատիօ Վատիկան) ''Ընդառաջելով Ամենայն Հայոց կաթողիկոս Գարեգին Բ-ի, ինչպէս նաեւ Պետական իշխանութիւններուն եւ Կաթողիկէ եկեղեցւոյ հրաւէրին, Նորին Սրբութիւնը` Ֆրանչիսկոս Քահանայապետ Հայաստանը պիտի այցելէ` 24էն 26 Յունիս 2016'', կը յայտնէ Սուրբ Աթոռի մամլոյ գրասենեակը, շաբաթ` 9 ապրիլին հրապարակած մէկ հաղորդագրութեան մէջ, որուն մէջ ապա նշուած է թէ ''ընդառաջելով միաժամանակ, Վրաստանի` Նորին Օծութիւն եւ Գերերջանիկ Իլիա Բ –ի, ինչպէս նաեւ Վրաստանի եւ Ատրպէյճանի պետական եւ կրօնական իշխանութիւններուն, Սրբազան Քահանայապետը կովկասեան շրջան իր առաքելական ճամբորդութիւնը պիտի ամբողջացնէ այցելելով՝ վերոնշեալ երկու երկիները` 30 սեպտեմբերէն 2 հոկտեմբեր 2016։