Լեհաստանը այս տարի կը տօնէ իր մկրտութեան 1050-րդ տարեդարձը։

(Ռատիօ Վատիկան) Ս. Աթոռի Պետական քարտուղարը` կարդինալ Փարոլին, , յառաջիկայ օրերուն  պիտի մեկնի Լեհաստան, որպէս քահանայապետական պատուիրակ` գլխաւորելու համար Լեհաստանի մկրտութեան 1050-րդ տարեդարձի հանդիսութիւնները, որ տեղի պիտի ունենան Gniezno-ի և Poznan-ի քաղաքներուն մէջ 14-16 Ապրիլ 2016։

Մէկ ամիս յետոյ լեհ կարդինալ` Zenon Grocholewski, վաստակաւոր կառավարիչը կաթողիկէ դաստիարակութեան, որպէս քահանայապետական նուիրակ, բացումը պիտի կատարէ, 18 մայիսին, Թորուն սրբավայրի հանդիսութիւններուն։

Նշենք որ այս քաղաքը եղած է ծննդավայրը աստղագէտ Nicolas Copernic -ին (1473-1543)։ Թորուն սրբավայրը նուիրուած է Ս. Կոյս Մարիամի` Աստղ նոր աւետարանութեան և ս. ՅՊԲ-ին։

Լեհաստանի մկրտութիւնը տեղի ունեցաւ 966-ին իշխան Mieszko-ի ու անոր ժողովուրդին դարձով։ Այս տարեդարձով լեհաստանի եկեղեցին կ՛ ոգեկոչէ ոչ միայն 966-ին պատմական եղելութիւնը այլ եւ սկիզբը կաթողիկէ եկեղեցւոյ պատմութեան, լեհական հողին վրայ, ու ծնունդը լեհաստանի պետութեան։ Հանդիսութիւններու բնաբանն է ''հոն ուր կայ մկրտութիւն, հոն կայ յոյս կայ''։

Նշենք որ այս տարեդարձին գլխաւոր դէպքը պիտի հանդիսանայ ֆրանչիսկոս Պապին Լեհաստան ուխտագնացութիւնը` (28-31 Յուլիս) ուր պիտի նախագահէ երիտասարդութեան համաշխարհային օրը եւ որուն պիտի մասնակցին ի մէջ այլոց 300-է աւելի հայ երիտասարդներ։