Լաւրովի եւ Քերրիի կոչը անյապաղ դադրեցնելու ռազմական գործողութիւնները
ԵՐԵՒԱՆ, «Նիուզ».– Ռուսիոյ եւ Միացեալ Նահանգներու արտաքին գործոց նախարարներ Սերգէյ Լաւրով եւ Ճան Քերի հեռաձայնային զրոյցի մը ընթացքին քննարկած են Լեռնային Ղարաբաղի մէջ տիրող իրավիճակը: Այս մասին հաղորդած է Ռուսիոյ արտաքին գործոց նախարարութիւնը։
«Արտաքին գործոց քաղաքական նախարարները լուրջ մտահոգութիւն յայտնած են Լեռնային Ղարաբաղի մէջ կացութեան լարուածութեան առնչութեամբ՝ վերահաստատելով ռազմական գործողութիւններու անյապաղ դադրեցման կոչերը: Համաձայնութիւն կայացած է աշխուժացնելու Ռուսիոյ, Միացեալ Նահանգներու եւ Ֆրանսայի՝ որպէս ԵԱՀԿ Մինսկի խումբի համանախագահ երկիրներու ջանքերը՝ ղարաբաղեան տագնապի լուծման նպաստելու առումով:
Լաւրով ու Քերրի դատապարտած են Ղարաբաղի շուրջ առճակատումը հրաւիրելու առանձին «արտաքին խաղացողներուն փորձերը», նշուած է հաղորդագրութեան մէջ։
Հեռաձայնային զրոյցը կայացած է ամերիկեան կողմին նախաձեռնութեամբ:
| All the contents on this site are copyrighted ©. |