Հռոմի ''Աստուածային ողորմութեան'' սրբավայրը։

(Ռատիօ Վատիկան) Վատիկանի մօտակայքը գտնուող` ''Santo Spirito in Sassia'' ժողովրդապետութիւնը մշտատեւ յաճախուած է հաւատացեալներէ և ուխտաւորներէ։ Այդ եկեղեցին` 20 տարի առաջ դարձաւ սրբավայրը ''աստուածային ողորմութեան'' ուր ամէն օր ժամը 15-ին, ժամը որ կը յատկանշէ Յիսուսի մահը խաչին վրայ, աղօթք կը մատուցուի Աստուածայի Ողորմութեան։ 

Նշենք որ լեհ հաւատացեալները շատ կապուած են այդ եկեղեցւոյ։ 1994-ին Աստուծոյ աղախին քոյր Faustine-ի երանացումի արարողութենէն առաջ Սուրբ Յովհաննէս  Պօղոս Բ Պապը վճռեց ''Santo Spirito in Sassia'' եկեղեցին նուիրել Աստուածային Ողորմութեան պաշտամունքին։ 

Ամէն օր այդ եկեղեցւոյ մէջ, ժամը 18-ին, ողորմութեան վարդարանը կ՝արտասանուի։ Ողորմութեան յոբելեանին առթիւ, սրբավայրը ամիսը մէկ անգամ կը կազմակերպէ կրօնուսուցում Աստուածային Ողորմութեան մասին, ղեկավարութեամբ կարդինալ Քասփերի, գերապայծառ ֆիզիքելլայի ու կարդինալ Միւլլէրի։

Յառաջիկայ 4 Ապրիլին սրբավայրի սրահին մէջ պիտի եզրափակուի ողորմութեան եւրոպական առաքելական գիտաժողովը, գլխաւորութեամբ կարդինալ Christoph Schönborn-ի` առաջնորդը Վիեննայի թեմին ու հայր Patrice Chocholski, տնօրէնը ֆրանսայի Արս սրբավայրին։