Նախագահ Սերժ Սարգսեան ցաւակցական հեռագիր յղած է Պելճիքայի վարչապետ Շարլ Միշելին
Հայաստանի Հանրապետութեան նախագահ Սերժ Սարգսեան ցաւակցական հեռագիր յղած է Պելճիքայի թագաւորութեան վարչապետ Շարլ Միշելին` երեքշաբթի 22 Մարտի առաւօտեան Պրիւքսէլի միջազգային օդակայանին եւ մեթրոյին մէջ տեղի ունեցած պայթումներուն առիթով, որոնց զոհ դարձած են տասնեակ մը անմեղ մարդիկ:
Այս մասին կը հաղորդեն Հայաստանի Հանրապետութեան նախագահի մամլոյ ծառայութենէն:
«Այս ծանր պահուն իմ ցաւակցութիւնս եւ զօրակցութիւնս կը յայտնեմ ձեզի, Պելճիքայի բարեկամ ժողովուրդին եւ զոհուածներու հարազատներուն` մաղթելով ոգիի արիութիւն եւ համբերութիւն:
«Հայաստանը խստօրէն կը դատապարտէ ահաբեկչութեան որեւէ դրսեւորում եւ յանձնառու է այդ չարիքին դէմ միջազգային պայքարին իր ներդրումը բերելու», ըսուած է Հայաստանի Հանրապետութեան նախագահի ցաւակցական հեռագիրին մէջ:
| All the contents on this site are copyrighted ©. |