Օպամա Քուպայի մէջ ջերմ ընդունելութեան կ՛արժանանայ
88 տարիներու ընթացքին Քուպա այցելած Միացեալ Նահանգներու առաջին նախագահը հանդիսացած Պարաք Օպաման ջերմ ընդունելութեան արժանացած է համայնավար կառավարութեամբ ղեկավարուող այդ երկրին մէջ, մինչ շարք մը ամերիկացի քոնկրեսականներ կը քննադատէին այդ այցելութիւնը։
Ըստ ԱՄՆ-ի «Ասպարէզ» օրաթերթին՝ Մարտ 21-ին, Օպամա Յեղափոխութեան պալատին մէջ հանդիպում մը ունեցած է նախագահ Ռաուլ Քասթրոյի հետ, մինչ կը հաղորդուէր, թէ «Կուկըլ» ընկերութիւնը Քուպայի մէջ համացանցային սպասարկութիւնները ընդարձակելու համաձայնագիր մը կնքած է կղզիի իշխանութեանց հետ։
Վերջին քանի մը տարիներուն, Քուպա սկսած է երկրին տնտեսութիւնը ազատականացնելու քայլեր որդեգրելու, սակայն քաղաքական մարզէն ներս բարեկարգումները աւելի դանդաղ կ՛ընթանան։
Քաղուած Եռագոյնէն
| All the contents on this site are copyrighted ©. |