Արհիապատիւ Սարգիս Եպիսկոպոս Դաւիթեան այցելեց Ռատիովատիկանը։

(Ռատիօ Վատիկան) Անցեալ օրերուն Իրանի Հայ Կաթողիկէ համայնքի նորանշանակ առաջնորդ` Արհիապատիւ Սարգիս Եպիսկոպոս Դաւիթեան այցելեց Ռատիովատիկանի Հայկական բաժնի խմբագրութիւնը ու այս առթիւ անոր հետ ունեցած զրոյցի ընթացքին մեզի փոխանցեց Թեհրանի Հայ Կաթողիկէ Եկեղեցւոյ եւ Իրանահայութեան մասին տեղեկութիւններ։

Յայտնենք թէ Գերապայծառ Սարգիսեան,  Սպահանի (Իրանի) կաթողիկէ հայոց թեմին առաջնորդ նշանակուեցաւ,Ֆրանչիսկոս Սրբազան Քահանայապետի հաւանութեամբ, անցեալ 1 հոկտեմբեր 2015-ին։ Իսկ եպիսկոպոսական օծումը ստացաւ 21 նոյեմբեր 2015-ին  Պէյրութի Սուրբ Գրիգոր Լուսաւորիչ - Սուրբ Եղիա Հայ Կաթողիկէ Աթոռանիստ եկեղեցւոյ մէջ, ձեռամբ Տանն Կիլիկիոյ Կաթողիկէ Հայոց Կաթողիկոս Պատրիարք` Ամենապատիւ եւ Գերերջանիկ Տէր Գրիգոր Պետրոս Ի.։