2016-03-04 12:32:00

Տիեզերական Կաթողիկէ եկեղեցին պիտի ունենայ երկու նոր սուրբեր


(Ռատիօ Վատիկան)  Հինգշաբթի, 3 մարտին, Վատիկանի մէջ Ֆրանչիսկոս Սրբազան Քահանայապետ ընդունեց Սուրբերու դատի ժողովի կառավարիչ՝ կարդինալ Անճելօ Ամաթօն, անոր արտօնութիւն շնորհելով հրապարակելու Սուրբերու դասին արժանացող երկու նոր սուրբերու հրամանագիրերը՝  Երանելի Էմանուէլէ Կոնզալէսի եւ Երանելի Էլիզապեթթա Տէլլա Թրինիթայի, ինչպէս նաեւ այլ երեք երանելիներու եւ Աստուծոյ ծառաներու հռչակման հայող հրամանագրերը։

Նշենք, թէ Երանելի Էմանուէլէ Կոնզալէս Կարսիա, ծնած է 25 Փետրուար 1877-ին եւ վախճանած է 4 յունուար 1940-ին։ Ան եղած է Եպիսկոպոս եւ հիմնած է զանազան եկեղեցական հաստատութիւններ մինչ Երանելի Էլիզապեթթա Տելլա Թրինիթա, աւազանի անունով Էլիզապեթթա Քաթեզ,  ծնած է 18 յուլիս 1880-ին եւ հոգին աւանդած է 9 նոյեմբեր 1906-ին։ Քոյր Էլթզապպէթթա  եղած էր կրօնաւորուհի եւ կը պատկանէր ''Քարմելիթեան Սքալցի  - բոպիկ Քարմելիթան'' անուան իգական միաբանութեան։ 








All the contents on this site are copyrighted ©.