(Ռատիօ Վատիկան) Սուրիոյ մէջ զինադադարի հաստատումէն 6 օր վերջ, Սուրիոյ ժողովուրդը հիասթափուած կը ջանայ բնականոն կեանքի վերադառնալ, այս մասին յայտնած է Յիսուսեան՝ Հայր Ghassan Sahoui խօսելով Հալէպի իրավիճակի մասին։
Յիսուսեան Հայրը յայտնեց, թէ Հալէպ քաղաքը բաժնուած է երկու մասերու, առաջին կառավարական բանակին հակակշիռին տակ գնուող քրիստոնեաներու թաղամասը՝ ուր ժողովուրդը աւելի խաղաղ կեանք կը վարէ։ երկրորդ ՝ ահաբեկչական խումբերու կողմէն կառավարուած շրջանը՝ ուր տակաւին ցոյցեր եւ խանգարումներ կը տիրեն։ Հալէպ քաղաքին մէջ հակառակ , որ տակաւին ելեկտրականութիւնը անջատուած կը մնայ եւ ջուրի պակասութիւն կայ, ժողովուրդը յոյսով լի կ՝աղօթէ որպէսզի քաղաքին մէջ վերջնականապէս խաղաղութիւն տիրէ։
Յիսուսեան հայր Ghassan Sahoui- գնահատումով Սուրիան պէտքը ունի միջազգային հասարակութեան օգնութեան , կլոր սեղանի շուրջ նստելու եւ երկխօսութեամբ ճամբով լուծելու քաղաքական բոլոր հարցերը։
All the contents on this site are copyrighted ©. |