Հոմսի եւ Դամասկոսի գիւղական շրջանին մէջ գտնուող Սայիտա Զէյնապ շրջանին մէջ պայթումներու շարքի մը պատճառով արձանագրուեցան բազմաթիւ զոհեր:
Հոմսի մէջ երկու ականուած ինքնաշարժներու պայթումները պատճառեցին շուրջ 57 զոհ եւ բազմաթիւ վիրաւորներ: Երկու ականուած ինքնաշարժներ պայթեցան Զահրա թաղամասի Սթին փողոցին մէջ` ուսանողներ համալսարան փոխադրող փոխադրակառքերու կառատան մը մէջ:
Շուրջ մէկ ամիս առաջ նոյն կառատան մէջ դարձեալ ականահարում մը տեղի ունեցած էր:
Դամասկոսի Սայիտա Զէյնապ շրջանին մէջ տեղի ունեցած պայթումը պատճառեց աւելի քան 90 զոհ եւ 187 վիրաւորներ:
Ականահարումներուն պատասխանատուութիւնը ստանձնեց ՏԱՀԵՇ-ը:
All the contents on this site are copyrighted ©. |