Bota e kulturës është në zi për humbjen e shkrimtarit të shquar italian Umberto
Eco dhe të shkrimtares amerikane Harper Lee, që ndërruan
jetë dje, në moshë përkatësisht 84 e 89 vjeçare. Në nivel ndërkombëtar, fama e Umberto
Eco-s - shkrimtar, filozof, semiolog – lidhet në mënyrë të veçantë me romanin “Emri
i trëndafilit”, përkthyer në shqip nga Donika Omari, publikuar fillimisht
në vitin 1996.
Ndërroi jetë, në moshën 89-vjeçare, edhe shkrimtarja e mirënjohur në Shtetet e Bashkuara
të Amerikës, Harper Lee. Vuante prej kohësh nga një sëmundje e rëndë,
që mosha ia rëndoi edhe më shumë, derisa i shkaktoi vdekjen. Harper Lee ka shkruar
shumë libra të mirënjohur, disa nga të cilët frymëzuan regjisorë të mëdhenj filmash
modernë. Por vepra e saj më e lexuar është “Errësira përtej gardhit”,
që prek temën delikate të dallimit racor në SHBA.
All the contents on this site are copyrighted ©. |